NACH ALL STARS BAND


00.30: Blauw Trap

De Nach van ’t Limburgse Leed besteit twintig jaor en det jubileum viere weej op verscheie manere. Twintig jaor Nach beteikent ouk twintig winnaers van de Jo Erens Pries en de veurluiper dao van. Um de prieswinnaers door de jaore haer te iere wuurt d'r 'n muzikale ode gebrach door 'n waal hiel bezóndere band: de Nach All Stars Band besteit oet (ald-)besteursleje van ós festival en det zeej behalve besteurservaring ouk flink waat muzikale ervaring mit zich metbringe zulle zeej venaovend in de Blauw Trap kómme laote hure. Wae d'r allemaol meidoon? Rowena den Hollander, Maddie Teeuwen, René Haustermans, Pim Uiting, Miel Teeuwen en Marcel Tabbers zien allemaol van de partie. Vaerderop in 't bukske zuus se wae d'r zoeë al de Jo Erens Pries gewónne haet. Van die artieste waere verscheie nummers gecoverd, sómmige nummers waere zelfs van 'n nie jeske veurzeen. Wae wet wuurt d'r ouk waal waat van de kersverse Jo Erens Pries-winnaer gebrach…